Breaking News
Home / ජාත්‍යන්තර ප්‍රවෘති / ඉන්දුනිසියාවේ ජකර්තා පොළවට ගිලා බසිමින් තිබේ Jakarta, Indonesia, is sinking down

ඉන්දුනිසියාවේ ජකර්තා පොළවට ගිලා බසිමින් තිබේ Jakarta, Indonesia, is sinking down

INDU

IND 02

 

ජාකර්තා නගරය නිර්මාණයවී ඇත්තේ වගුරු බිමකය. ජාවා මුහුද එහි සීමාවේ ඇති අතර ගංගා තුනක් නගරය හරහා ගලා බසී.

මේ හේතුවෙන් ජාකර්තා නගරයේ නිරන්තර ජල ගැලීම් අරුමයක් නොවේ. විශේෂඥයන්ට අනුව නම් මේ තත්ත්වය දිනෙන් දිනම නරක අතට හැරෙමින් පවතී.

නමුත්, විකෘති ජල ගැලීම් නොව, සැබෑ ලෙසම මෙම සුවිසල් නගරය පොළවේ අතුරුදහන් වෙමින් පවතී.

ජාකර්තා නගරයේ උතුරු කොටස පසුගිය වසර 10 තුළ මීටර් 2.5 ක් ගිලා බැස තිබේ. එසේම සමහර ප්‍රදේශ වසරකට සෙ.මි. 25 ක් පමණ ගිලා බසී. එය ලෝකයේ මුහුද ආසන්නයේ පිහිටා ඇති නගරවල ගිලා බැස්මේ සාමාන්‍යය මෙන් දෙගුණයකි.

එසේම මේ වනවිට නගරයෙන් අඩක් පමණ මුහුදු මට්ටමට පහතින් පිහිටා ඇත. මේ තත්ත්වය උතුරු ජාකර්තා හි ඉතා ඉක්මණින් දකින්නට ලබෙනු ඇත.

අතීතයේ පටන් උතුරු ජාකර්තා, වරාය නගරයක් ලෙස පැවතියේ ය. අද පවා ඉන්දුනීසියාවේ කාර්ය බහුලම වරායක් වන තන්ජුන් ප්‍රිඔක් (Tanjung Priok) එහි පිහිටා ඇත.

සිලිවුන්ග් (Ciliwung) ගංගාව ජාවා මුහුදට වැටෙන ස්ථානයේ පිහිටි එහි උපාය මාර්ගික පිහිටීම, 17 වෙනි සියවසේදී ලන්දේසීන් තම කාර්ය බහුල මධ්‍යස්ථානයක් ලෙස තෝරා ගැනීමට හේතු විය.

ලොව පුරා මුහුද ආශ්‍රිත නගර කාලගුණ විපර්යාසය හේතුවෙන් මුහුදු මට්ටම ඉහළ යාම නිසා තර්ජනයට ලක්ව ඇත.

එය මෙම කතාවේ එක් කොටසක් පමණි.

ජාකර්තා ගිලා බැසීමට, මහජනයාගේ දෛනික ජල අවශ්‍යතා සඳහා භූගත ජලය විශාල වශයෙන් ලබා ගැනීම හේතුවී තිබේ. නල ජලය බොහෝ ප්‍රදේශවලට නොමැති බැවින්, මහජනයාට ඉතා ගැඹුරු භූගත ජලය පොම්ප කර භාවිතයට ගැනීම හැර විකල්පයක් නැත.

නමුත්, භූගත ජලය පොම්ප කිරීමත් සමග හිස්වන අවකාශය දරාගත නොහැකිව මතුපිට පොළොව ක්‍රමයෙන් ගිලා බැසීමට ලක්වේ.

ජල කළමණාකරන ආයතන මහජනයාගේ ඉල්ලුම සැපිරීමට අපොහොසත් අතර විශේෂඥයන්ට අනුව ඔවුන් සපයන්නේ ජල අවශ්‍යතාවයෙන් 40% ක් පමණි. මේ හේතුවෙන් තමන්ට විකල්පයක් නොමැති බව මහජනයා පවසති.

බිබිසි ඇසුරෙනි.

About SirilakaNews

Check Also

MAY-E-TRUMP-e1531650377290-625x350

බ්‍රෙක්සිට් සමග ඇමරිකා බ්‍රිතාන්‍ය වෙළද ගැටළු! American British Trade issues with brexit.

යුරෝපා සංගමයෙන් ඉවත්වීම සම්බන්ධ බ්‍රිතාන්‍ය අග්‍රාමාත්‍යවරියගේ සැළසුම් ඉදිරියට යන්නේ නම් එක්සත් රාජධානියට බොහෝවිට ඇමෙරිකානු වෙළෙඳ ...

Leave a Reply

Your email address will not be published. Required fields are marked *