Breaking News
Home / ජාත්‍යන්තර ප්‍රවෘති / පැරිස් අගනුවර කුඩා දරුවෙකු බේරාගත් විදේශිකයෙකුට ප්‍රංශ පුරවැසිකම! French citizenship for a foreigner who saved a child in the capital, Paris

පැරිස් අගනුවර කුඩා දරුවෙකු බේරාගත් විදේශිකයෙකුට ප්‍රංශ පුරවැසිකම! French citizenship for a foreigner who saved a child in the capital, Paris

                     _101781196_963209340

Untitled-2hv,kjbපැරිස් අගනුවර ගොඩනැගිල්ලක හතර වන තට්ටුවේ සිට පහතට වැටෙන කුඩා දරුවෙකු බේරා ගත් සංක්‍රමණිකයෙකුට පුරවැසිභාවය ලබාදීමට ප්‍රංශ ආණ්ඩුව තීරණය කර තිබේ.

දරුවා බේරාගත් Mamoudou Gassama නම් මාලි ජාතික සංක්‍රමණිකයා වීරයෙකු ලෙස රට තුළ දැඩි ප්‍රසංශාවට ලක්වෙමින් සිටී.

ඔහු දරුවා බේරා ගන්නා වීඩියෝව සමාජ මාධ්‍ය ජාල තුළ විශාල වශයෙන් සංසරණය වෙමින් පවතී.

සඳලුතලයේ එල්ලී සිටි දරුවා බේරා ගැනීමට අසල්වැසියෙකු උත්සාහ කරමින් සිටිද්දී Mamoudou Gassama මිනිත්තුවකට අඩු කාලයක දී පහළ මාලයේ සිට සඳළුතලවලින් පැන සිව් වන මහලට ගොස් දරුවා බේරා ගත්තේය.

ඔහු සිව් හැවිදිරි දරුවා බේරාගත් අවස්ථාවේ රැස්ව සිටි පිරිස ප්‍රීති ඝෝෂා නගන ආකාරය වීඩියෝ පටයේ සටහන් වී තිබේ.දරුවා බේරාගත් සංක්‍රමණිකයා එල්සී මාලිගාවේ සිය නිල නිවසට කැඳ වූ ප්‍රංශ ජනාධිපති එමානුඑල් මැක්‍රෝන් ඔහුට පෞද්ගලිකව ස්තුති කළේය.

එහිදී Mamoudou Gassamaට ස්තුති කොට පදක්කමක් ද පිරි නැමූ ජනාධිපතිවරයා ඔහුට ප්‍රංශ පුරවැසිභාවය ලබා දෙන බව ද නිවේදනය කළේය.

පසුගිය සෙනසුරාදා සවස පැරීසියේ උතුරු ප්‍රදේශයේ පිහිටි ගොඩනැගිල්ල අසලින් ඇවිද යන විට ඒ අවට පිරිස් රැස් වී සිටිනු දක්නට ලැබුණු බව Mamoudou Gassama පැවසීය.

දරුවා සඳලුතලයේ සිට පහතට එල්ලෙමින් සිටින විට “මම කිසි දෙයක් සිතුවේ නැහැ, මම ඔහු බේරාගත්තා” යැයි ඔහු ජනාධිපති මැක්‍රෝන්ට පැවසීය.

“මම දෑතින් ඔහු උස්සා ගනිද්දී, ඔහුට කතා කර ඇසුවා: ‘ඇයි ඔබ මෙහෙම කළේ?’ කියලා. හැබැයි ඔහු පිළිතුරු දුන්නේ නැහැ.”පැරිසියේ ගිනි නිවන භටයන් එම ස්ථානයට පැමිණෙන විට මාලි ජාතික සංක්‍රමණිකයා විසින් දරුවා බේරාගනු ලැබ තිබුණි.

“වාසනාවට ශරීර ශක්තිය තිබෙන ධෛර්යමත් පුද්ගලයෙක් එම ස්ථානයේ ඉඳලා දරුවා බේරා ගත්තේ,” ගිනි නිවන භටයන්ගේ ප්‍රකාශකයෙක් AFP පුවත් සේවයට පැවසීය.

සිද්ධිය වන අවස්ථාවේ දරුවාගේ දෙමාපියන් නිවසේ සිට නොමැති බව ප්‍රදේශයේ බලධාරීන් පැවසූහ.

ඒ අවස්ථාවේ දරුවා නිවසේ තනිව සිටීම පිළිබඳ ඔහුගේ පියාගෙන් ප්‍රශ්න කිරීමට පොලිසිය කටයුතු කර ඇත. මව ඒ වන විට පැරිස් නගරයෙන් බැහැරව සිටි බව විශ්වාස කෙරේ.

පැරිස් නගරාධිපතිනිය වන ඈන් හිදල්ගෝ ද විසි දෙහැවිදිරි Mamoudou Gassamaගේ ක්‍රියාව අගයමින් ට්විටර් පණිවිඩයක් නිකුත් කර තිබේ. ඇය ඔහුට පෞද්ගලික දුරකථන ඇමතුමක් ලබා දී ස්තුති කිරීමට ද කටයුතු කර තිබුණි.

Mamoudou Gassama “2018 ස්පයිඩර් මෑන්” ලෙසින් හඳුවන්වන නගරාධිපතිනිය ඔහු “සියලු පුරවැසියන්ට ආදර්ශයක්” බවත් සිය පණිවුඩයේ සඳහන් කරන්නීය.

About SirilakaNews

Check Also

syria-and-rusia

සිරියාවට එස් – 300 මිසයිල ආරක්ෂණ පද්ධතියක් ලබාදීම කෙරෙහි අවධානය යොමු කරන බව ද රුසියාව නිවේදනය කරයි! Russia will pay attention to the delivery of the S-300 missile defense system to Syria

ඇමෙරිකා එක්සත් ජනපදය ප්‍රමුඛ බටහිර රටවල් සිරියාවේ ඩැමැස්කස් නුවර ඉලක්ක කිහිපයකට ගුවන් ප්‍රහාර එල්ල කිරීමත් ...

Leave a Reply

Your email address will not be published. Required fields are marked *