Breaking News
Home / ජාත්‍යන්තර ප්‍රවෘති / කිම් සහ ට්‍රම්ප් අතර සාකච්ජාවට ඇමරිකාව මාවතක් සොයයි! The US is looking for a roadmap to deal with Kim and Tamp

කිම් සහ ට්‍රම්ප් අතර සාකච්ජාවට ඇමරිකාව මාවතක් සොයයි! The US is looking for a roadmap to deal with Kim and Tamp

   donald-trump-traite-kim-jong-un-de-fou-qui-lui-retorque

ජනාධිපති ඩොනල්ඩ් ට්‍රම්ප් සහ නායක කිම් ජොන්ග් අන් අතර යෝජිත සාකච්ඡාව සඳහා සූදානම් වනුවස් ඇමරිකානු කණ්ඩායමක් උතුරු කොරියානු බලධාරීන් සමග සාකච්ඡා පවත්වමින් සිටිති.

සාකච්ඡා පැවැත්වෙන කොරියානු රටවල් දෙක අතර පිහිටි යුද මුක්ත කලාපයට අයත් පැන්මුන්ජොම් ගම්මානය තුළදීම නායකයන් දෙපලගේ හමුවීම සිදුවනු ඇති බවට අලුතින් ඉඟි පළවේ.

ජුනි මස සිංගප්පූරුවේ පැවැත්වීමට සැලසුම් කර තිබූ සාකච්ඡාව ජනාධිපති ට්‍රම්ප් විසින් බ්‍රහස්පතින්දා අවලංගු කරනු ලැබුවේ උතුරු කොරියාව “එදිරිවාදී” බවක් ප්‍රදර්ශනය කරන්නේ යයි චෝදනා කරමිනි.

කෙසේ නමුත් සාකච්ඡාව යථාර්තයක් බවට පත් කිරීම සඳහා දෙපාර්ශවයම කටයුතු කරමින් සිටියහ.

බොහෝ කරනු සම්බන්ධයෙන් එකඟතාවන්ට පැමිණිය යුතු අතර එකඟතාවයකට පැමිණිය නොහැකි බව තමන්ට වැටහෙන්නේ නම් සාකච්ඡාවට නොයන බව ජනාධිපති ට්‍රම්ප් පැහැදිලි ලෙස ප්‍රදර්ශනය කර ඇත.

න්‍යෂ්ටික අවි සම්පූර්ණයෙන් අත්හැර දැමීම සම්බන්ධයෙන් නායක කිම් එකඟතාවකට පැමිණෙයි ද නැද්ද යන්න මෙතෙක් පැහැදිලි වී නොමැත. අතීතයේදී ලබා දුන් ඒහා සමාන පොරොන්දු ඒ ආකාරයෙන් පැවතී නොමැත.

පළමුව න්‍යෂ්ටික අවි අත්හැර දැමීම ඇමරිකාවේ අවශ්‍යතාව වී ඇති බව පවසන විශ්ලේෂකයෝ ඊට ඇගයීමක් වශයෙන් උතුරු කොරියාව මත පනවා ඇති සම්බාධක සහ ආර්ථික ආධාර කප්පාදු ඉවත් කරනු ඇති බවට මත පළ කරති.

උතුරු කොරියානු නායක කිම් ජොන්ග් අන් සහ දකුණු කොරියානු ජනාධිපති මූන් ජේ-ඉන් අතර ඉකුත් දා අනපේක්ෂිත හමුවක් සිදුවිය.

එහිදි ඇමරිකානු ජනාධිපතිවරයා හමුවීම පිළිබද දෙරටේ නායකයින් අතර සාකච්ජා කෙරුණු බව කොරියානු මාධ්‍ය වාර්තා සදහන් කරයි.

About SirilakaNews

Check Also

Migrant-724805

නීති විරෝධී සංක්‍රමනිකයින් සම්බන්ධයෙන් බ්‍රිතාන්‍යයේ දේශපාලන අවුලක්! Britain’s political issue regarding illegal immigrants.

නීති විරෝධී සංක්‍රමණිකයන් රටින් පිටුවහල් කිරීමේ ඉලක්ක සම්බන්ධයෙන් “නොදැනුවත්ව” පාර්ලිමේන්තුව “නොමග යැවූ බව” පිළිගනිමින් බ්‍රිතාන්‍යයේ ...

Leave a Reply

Your email address will not be published. Required fields are marked *